Հանրային հատված

Հասարակության կողմից հանրային հատվածի ընկերությունների ընկալման առումով կարևոր է վերջիններիս կողմից ֆինանսական և գործունեության հաշվետվությունների պատրաստումը: Հանրային հատվածում գտնվող կազմակերպությունների գերակշիռ մասը դժվարանում է ֆինանսական հաշվետվությունների պատրաստման, հետևաբար նաև թափանցիկության ու հաշվետվողականության ապահովման հարցում:

Ներմուծում և արտահանում

Մեր ընկերությունը ներմուծման/արտահանման ոլորտում ունի անհրաժեշտ փորձառություն, որն ուղղում է բիզնեսը գործող հարկային օրենսդրությանը համապատասխանեցնելուն: Այս ոլորտում մեր մասնագետները առաջարկում են գործնական, արդյունավետ և օգտավետ լուծումներ: Խորհրդատվություն ենք տրամադրում նաև օտարերկրյա կազմակերպություններին և անհատներին՝ օգնելով հարկային ռեժիմի ընտրության, ինչպես նաև կրկնակի հարկումից խուսափելու հարցերում:

Շինարարություն

Շինարարությունը տնտեսության բարձր զարգացած ճյուղ է: Այն իրենից ներկայացնում է բավականին բարդ բիզնես գործընթաց, որի հետ մեկտեղ ի հայտ են գալիս մի շարք հաշվապահական, հարկային և ֆինանսական խնդիրներ: Շինարարության, կառուցապատման և անշարժ գույքի շուկայում գործունեություն ծավալող կազմակերպություններն ունեն ճկուն հաշվապահական համակարգերի, նյութածախսի վերահսկողության, դրամական հոսքերի ճիշտ պլանավորման և հարկերի օպտիմալացման կարիք: Այս ոլորտում մենք առաջարկում ենք հետևյալը:

Արտադրություն

Արտադրական գործունեությամբ զբաղվող կազմակեպությունների համար առավել կարևոր է արտադրական պրոցեսում իրականացվող ծախսումների ճշգրիտ հաշվառումը՝ արտադրանքի արժանահավատ ինքնարժեքի ձևավորման համար: «Ասեթս» ընկերությունը արտադրական ոլորտում առաջարկում է ծառայությունների հետևյալ փաթեթը՝
Ծախսերի կրճատմանն ուղղված ներքին վերահսկողության միջոցների մշակում
Հարկային խորհրդատվություն
Ներքին վերահսկողության համակարգերի ներդրու
Բիզնեսի համալիր ուսումնասիրություն:

ՏՏ Ոլորտ

Տեղեկատվական տեխնոլոգիաների ոլորտը պետական մակարդակով հայտարարվել է Հայաստանի տնտեսության զարգացման գերակա ուղղություն: Այս ոլորտում նորարարությունները, ինչպես նաև դրանց կիրառությունը տնտեսության տարբեր ճյուղերում վերջին տասնամյակներում բնորոշում է համաշխարհային տնտեսության զարգացման կտրուկ աճը: ՀՀ կառավարությունը ՏՏ ոլորտում ներդրումների համար տրամադրում է մի շարք արտոնություններ օտարերկրյա ներդրողներին` ներառյալ կանոնադրական կապիտալում կատարած ներդրումների գծով հարկային արտոնությունները և ներդրումների կատարման խոչընդոտների բացակայությունը: «Օտարերկրյա ներդրումների» մասին ՀՀ օրենքով նախատեսվում է, որ օտարերկրյա ներդրումները կարգավորող Հայաստանի Հանրապետության օրենսդրության փոփոխության դեպքում ներդրման պահից սկսած 5 տարվա ընթացքում, օտարերկրյա ներդրողի ցանկությամբ, կիրառվում է ներդրումների իրականացման պահին գործող օրենսդրությունը: ՀՀ-ում նորաստեղծ ՏՏ ընկերությունների համար նախատեսվող արտոնություններից է, օրինակ, նման ընկերությունների նկատմամբ կիրառվող եկամտային հարկի 10% դրույքաչափ, ինչպես նաև շահութահարկից ազատումը:

Առևտուր

«Ասեթս» ընկերությունը առևտրային գործունեությամբ զբաղվող կազմակերպություններին առաջարկում է հետևյալ ծառայությունները.
Հաշվապահականհաշվառում.
Ֆինանսական հաշվետվությունների պատրաստում.
Հարկային խորհրդատվություն.
Ներկայացուցչություն պետական մարմիններում.հարկային, մաքսային և տեղական ինքնակառավարման մարմիններում ներկայացուցչություն, ինչպես նաև մասնակցություն այդ մարմինների կողմից իրականացվող ստուգումներին.
Աշխատավարձի հաշվառում և կադրերի վարում.